KATIBU TAWALA WA MKOA WA MARA ATEMBELEA UJENZI WA MADARASA BUNDA MJI

Posted on: January 5th, 2023

Tarehe 05.01.2023

Katibu Tawala wa Mkoa wa Mara Bwana Msalika Robert Makungu leo ametembelea shule tatu za Sekondari ambazo bado zinaendelea na zoezi la ukamilishaji wa ujenzi wa madarasa katika Halmashauri ya Mji wa Bunda.

Shule ambazo ametembelea ni Shule ya Sekondari Rubana, Bunda stoo na Migungani. Katibu Tawala amekuta kazi iliyobaki kwa izo shule ni kupachika Top za milango ambapo wasimamizi wa shule hizo wameahidi kukamilisha ndani ya wiki hii kabla ya shule kufunguliwa.

Aidha Katibu Tawala wa Mkoa amezitaka shule hizo kuhakikisha wanakamilisha pia vitu vidogo vidogo vilivyosalia kama kuweka raba kwenye viti na meza, kuondoa ncha kali katika baadhi ya viti na meza na pia kuhakikisha madawati yote yanakamilika katika madarasa yote kabla ya shule kufunguliwa.

Kupitia ziara hiyo Bwana Msalika ameziagiza shule zote za Mkoa wa Mara kuhakikisha wanaanza masomo mapema iwezekanavyo siku ya kwanza ya kufungua shule. Ratiba za usafi zisiathiri ratiba za masomo.

Mwisho Katibu Tawala Bwana Msalika ameupongeza Uongozi wa Wilaya na Halmashauri kwa usimamizi mzuri wa miradi hiyo iliyotekelezwa kwa ubora na viwango vinavyotakiwa.