KIKAO CHA KAMATI YA USHAURI YA WILAYA YA BUNDA (DCC)

Posted on: November 25th, 2022

Kikao Cha kisheria Cha Kamati ya ushauri ya Wilaya ya Bunda kimefanyika Leo tarehe 25.11.2022 na kukutanisha Viongozi wa Serikali, Taasisi, Wataalamu, Viongozi wa dini, Viongozi wa Vyama vya siasa pamoja na wazee mashuhuli wa Bunda.

Mwenyekiti wa Kikao hiki alikua ni Mheshimiwa Joshua Nassari Mkuu wa Wilaya ya Bunda ambae aliwashukuru wajumbe wote kwa ushiriki na ushauri wao mzuri walioutoa na kuaihidi kuufanyia kazi.

Katika Kikao hiki, makundi mbalimbali yaliwasilisha taarifa ya utekelezaji inayoonesha malengo, mafanikio pamoja na changamoto zinazowakabili Wakati wa utekelezaji wa majukumu yao.

Makundi yaliyowasilisha ni Halmashauri ya Mji wa Bunda, Halmashauri ya Wilaya ya Bunda, Wakala wa Barabara Mjini na Vijijini (TARURA), Wakala wa Maji Mjini na Vijijini BUWSSA na RUWASA, Wakala wa Vitambulisho vya Taifa NIDA, Taasisi ya kuzuia na kupambana na Rushwa (TAKUKURU), Jeshi la Magereza, Uongozi wa Hifadhi ya Taifa ya wanyapori ya Serengeti (SENAPA), Shirika la Umeme Tanzania (TANESCO), Mamlaka ya Mapato Tanzania (TRA) pamoja na Taasisi ya Uhamiaji.

Baada ya mawasilisho hayo, wajumbe walichangia mada kwa kutoa maoni yao ambapo Idara husika ziliyapokea na kuahidi kuyafanyia kazi.

Aidha, Mheshimiwa Mkuu wa Wilaya alisisitiza ushirikiano na mahusiano mazuri baina ya Taasisi na Taasisi, kukaa kwa pamoja kujadiliana changamoto mbalimbali zinazojitokeza na kuzimaliza na sio kusubiri Kikao Cha DCC.

Mwisho Mheshimiwa Mwenyekiti alisema kuwa milango ya Ofisi yake ipo wazi na muda wowote mwananchi au Kiongozi anakaribishwa kwa majadiliano zaidi kwa manufaa ya Maendeleo ya Wilaya ya Bunda.