MAFUNZO KWA WATAALAMU WASIMAMIZI WA MIKOPO NGAZI YA KATA KATIKA HALMASHAURI YA MJI WA BUNDA

Posted on: October 8th, 2024

Halmashauri ya Mji wa Bunda inaendelea kujipanga kuwahudumia wananchi katika utoaji wa Mikopo ya 10% ya Mapato ya ndani ya Halmashauri. Leo Wataalamu Wasimamizi wa Mikopo wa Kata katika Halmashauri ya Mji wa Bunda wamepewa Mafunzo yatakayowajengea uwezo wa kusimamia utoaji wa Mikopo kwa Vikundi vya Wanawake Vijana na Wenye Ulemavu.

Wakiongozwa na Afisa Maendeleo ya Jamii wa Halmashauri ya Mji wa Bunda Bwn. Ladislaus Magaso amesema lengo Kuu la Mafunzo hayo ni kuwajengea uwezo Wataalamu ambao wataenda kutoa Elimu na Hamasa kwa Jamii juu ya uundaji Vikundi vyenye sifa ya kupata huduma hiyo ya Mikopo lakini pia kusimamia marejesho ya Mikopo hiyo.

Baada ya Mafunzo haya, Wataalamu hawa wataenda kufanya mikutano katika Kata zao, kuhamasisha Jamii kuanzisha Vikundi vitakavyoweza kunufaika na Mikopo ya 10% ya mapato ya Halmashauri yani Vikundi vya Wanawake Vijana na Wenye Ulemavu.

Mafunzo haya yamefunguliwa Leo tarehe 08.10.2024 na yatadumu kwa muda wa siku tano hadi tarehe 13.10.2024.

#kaziiendeleee