MWENYEKITI WA HALMASHAURI AWATAKA WANANCHI WA NYATWALI KUWA MAKINI NA FEDHA BAADA YA KULIPWA

Posted on: August 20th, 2024

Mwenyekiti wa Halmashauri ya Mji wa Bunda Mhe. Michael Kweka amewapongeza wananchi wa Nyatwali kwa kumchagua Diwani makini mwenye Upendo na kuwajali wananchi wake.

Mwenyekiti amesema kuwa, Mheshimiwa Diwani wa Nyatwali amewapambania sana wananchi wake toka jambo lilipoanza hadi kufikia sasa malipo yalipokamilika.

Aidha Mheshimiwa Mwenyekiti amewataka wananchi hao kuwa makini na fedha watakazolipwa kuzitumia vizuri kujenga nyumba sehemu watakayohamia kuliko kufanyia starehe.

"Halmashauri ya Mji wa Bunda Bado ina Maeneo mengi ambayo yapo wazi mfano Kata ya Sazira, Mcharo, Guta na Wariku hivyo nawaomba msihame Halmashauri yetu bali msogee katika Maeneo hayo." Mhe. Kweka

"Mimi Mwenyekiti wenu niko pamoja na nyie mkihitaji ushauri wowote nawakaribisha muda wowote mje tuongee kuijenga Bunda yetu" amesema Mheshimiwa Kweka

#kaziiendeleee