RC MARA KANALI EVANS MTAMBI ALETA TUMAINI JIPYA KWA WACHIMBAJI WADOGO WA KINYAMBWIGA

Posted on: July 4th, 2024

Leo Mheshimiwa Mkuu wa Mkoa wa Mara Kanali Evans Mtambi amefanya Mkutano wa hadhara na wananchi wa Mtaa wa Kinyambwiga stooni ambapo kuna machimbo ya dhahabu.

Kanali Evans Mtambi amewaelekeza Wachimbaji wadogo kuunda Vikundi vya watu wachache ili waweze kusaidiwa na Serikali, " Undeni Makundi madogo madogo wote hapa mgodini ili Serikali iweze kuwapa msaada wa kufanya shughuli zenu."

Mkuu wa Mkoa amesema Serikali ya Mama Samia imedhamilia kuwakomboa wachimbaji wadogo ili waweze kuona faida ya kazi yao.

Aidha Mheshimiwa Mkuu wa Mkoa amesema baada ya kuunda Vikundi yupo tayari kutoa msaada wa kisheria kwa wachimbaji wadogo ili waweze kupata uelewa wa uchimbaji madini ili waweze kuingia mikataba mizuri dhidi ya wenye leseni ya kuchimba madini katika eneo hilo.

Kwa upande mwingine Mheshimiwa Mkuu wa Mkoa amemuelekeza Kamanda wa Polisi Mkoa kuweka Kituo Cha Polisi katika eneo hilo la Stooni na kujenga Kituo Cha Polisi kwa kushirikiana na Wadau wanaochimba madini hapo.

Pia Mheshimiwa Mkuu wa Mkoa amemtaka Meneja wa TANESCO Mkoa kutembelea eneo hilo na kuona namna ya kuongeza nguvu ya Umeme kwani Transformer iliyopo imezidiwa nguvu.

Maelekezo mengine aliyoyatoa ni Uongozi wa wachimbaji wadogo kukaa na Mwenye leseni kupanga namna Bora ya kufanya malipo au mgao kwa wachimbaji wadogo, Mganga Mkuu wa Halmashauri kuhakikisha umeme unafika Kituoni na Kituo kutoa huduma kwa watu wote, Ofisi ya Mkurugenzi kupeleka Ramani ya ujenzi wa shule ya Sekondari ili wananchi waanze kujenga Sekondari yao.

#kaziiendelee