UZINDUZI WA SOKO LA PAMBA MSIMU WA 2022

Posted on: June 9th, 2022

Mkuu wa Wilaya ya Bunda Mheshimiwa Joshua Nassari amezindua rasmi msimu wa Ununuzi wa Pamba 2022 Kiwilaya katika Mtaa wa Bukore Kata ya Kunzugu.

DC Nassari ametoa rai kwa wasimamizi wa AMCOS kusimamia zoezi hili kikamilifu. Amesema Mwaka jana Wakulima waliibiwa sana Hivyo hataki kuona wizi kama huo ukiendelea kufanyika tena katika msimu huu, ameongeza kuwa Serikali haitofumbia macho dhuluma kama hiyo kuendelea kwa Wakulima.

Nae Mwakilishi wa Wananchi wa Kata ya Kunzugu Mheshimiwa Diwani Samson Pasaka ametoa shukrani kwa Mheshimiwa Mkuu wa Wilaya kwa kukubali kufanya uzinduzi wa zao la pamba katika Kata yake. Aidha amesema Bado Elimu kwa Wakulima inahitajika Ili kufikia Kilimo chenye tija Hivyo Wataalamu wa Kilimo waendelee kutoka Elimu ya kutosha kwa Wakulima.

Bei ya Pamba ilianza kwa Shilingi 1,800/- kwa kilo, kwasasa kutokana na ushindani sokoni bei ni Shilingi 1,900/-

Aidha Kaimu Mkurugenzi Bi Adelina Mfikwa ambae pia ni Afisa Kilimo wa Halmashauri ya Mji wa Bunda kwa kushirikiana na Mkaguzi wa zao la pamba wamesema Wilaya ya Bunda inategemea kukusanya pamba mara nne zaidi ya msimu uliopita.

#pambadhahabunyeupe

#kaziiendelee

#sensa2022jiandaekuhesabiwa