WATENDAJI BUNDA WAELEKEZWA KUSIMAMIA CHAKULA SHULENI

Posted on: June 5th, 2024

Watendaji wa Kata wa Halmashauri ya Mji wa Bunda pamoja na Wilaya ya Bunda wameelekezwa kusimamia suala la utoaji chakula shuleni kwa kuhimiza na kuhamasisha Jamii kuchangia chakula.

Maelekezo hayo yametolewa na Katibu Tawala wa Wilaya ya Bunda Bwana Salum Mtelela katika Kikao cha Tathimini ya Lishe Wilaya kilichofanyika leo katika Ukumbi wa Halmashauri ya Mji wa Bunda.

"Tumieni Mamlaka mliyokua nayo kuwaelimisha wananchi kuhusu umuhimu wa kuchangia chakula cha watoto shuleni na pia tumieni watu wenye ushawishi kama Viongozi wa dini na Chama waliopo katika maeneo yenu ili wasaidie kuhamasisha jambo hili." Amesema Katibu Tawala Salum Mtelela

Aidha Katibu Tawala amewaelekeza Watendaji kutoa ushirikiano kwa Afisa Tarafa, Mkurugenzi na Ofisi ya Mkuu wa Wilaya pale wanapokua wanahitaji usaidizi katika kuhakikisha shule zote wanafunzi wanapata chakula.

#kaziiendelee