HALMASHAURI YA MJI WA BUNDA YAWA KINARA UMISSETA 2022 MKOA WA MARA

Posted on: August 12th, 2022

Ni Mwaka wa pili mfululizo Halmashauri ya Mji wa Bunda inakuwa Mabingwa, Mshindi wa kwanza kati ya Halmashauri Tisa za Mkoa wa Mara katika mashindano ya UMISSETA ngazi ya Mkoa.

Pichani ni Mkurugenzi wa Halmashauri ya Mji wa Bunda Ndg. Emmanuel J. Mkongo akipokea zawadi hizo za vikombe kutoka kwa Kaimu Afisa Elimu Sekondari Mwalimu Michael Nkoba na Kaimu Afisa Utamaduni, Michezo , Sanaa na Vijana Ndg. Amos Mtani katika Ofisi yake.

Mkongo amewapongeza Viongozi na Walimu wote waliohusika kuwaandaa wanamichezo hao na kusisitiza Umoja, Mshikamano, Weledi na ufanisi katika kutekeleza majukumu yao ya kazi kwani michezo ni sehemu ya masomo mashuleni.

Katika mashindano ya UMISSETA ngazi ya Mkoa Mwaka 2022, Halmashauri ya Mji wa Bunda imefanikiwa kuvuna vikombe Vitano vya Ushindi wa kwanza katika Mchezo wa Soka Wasichana, Soka Wavulana, Mpira wa Mikono Wavulana, Usafi Wasichana na Kimoja Cha Ushindi wa Jumla.

Aidha Halmashauri imefanikiwa kutoa wachezaji 28 kuunda timu ya Mkoa na Walimu( makocha) wanne.