HUDUMA ZA MIKOPO YA 10% NGAZI YA KATA ZAPIGWA MSASA

Posted on: October 7th, 2024

Kaimu Mkurugenzi wa Halmashauri ya Mji wa Bunda Mwl. Said Ramadhani amefungua Mafunzo kwa Kamati ya Huduma ya Mikopo ngazi ya Kata na kuwataka kuonesha uaminifu na utiifu wa kusimamia Sheria na taratibu za utoaji wa Mikopo kwa ngazi yao ili kutimiza azma ya Serikali kutoa Mikopo hiyo kwa Vikundi vya Wanawake, Vijana na Wenye Ulemavu.

Kaimu Mkurugenzi amesema, Serikali imeamua kuleta mfumo mpya wa utoaji wa Mikopo kwasababu Awali udanganyifu ulikua mkubwa na kusababisha fedha nyingi za Serikali kupotea, hivyo miongozo iliyotolewa itasaidia kulinda fedha hizo na Sheria itachukua hatua kwa yeyote atakaekaidi.