KIKAO CHA KAMATI YA LISHE YA HALMASHAURI YA MJI WA BUNDA

Posted on: May 3rd, 2023

Leo Jumanne Kamati inayoratibu masuala ya lishe katika Halmashauri ya Mji wa Bunda imekutana chini ya Mwenyekiti wa Kamati Ndg. Emmanuel Mkongo Mkurugenzi wa Halmashauri ya Mji kujadili mwenendo na utekelezaji wa Lishe katika jamii ya watu wa Bunda.

Katika kikao hicho, Idara mbalimbali zinazohusika na lishe zimeeleza Mipango mkakati ya kukabiliana na suala la lishe katika maeneo yao na kuonesha utekelezaji katika robo iliyopita.

Aidha, kikao kimeazimia hamasa kuendelea kutolewa kwa wazazi kuzingatia Lishe bora kwa watoto wao lakini pia kwa wazazi wenye watoto wanafunzi kuhamasika kuchangia chakula shuleni ili wanafunzi wapate Chakula wakiwa shuleni.

Mzazi kumbuka Lishe ya sasa kwa mwanao ndio matokeo ya kesho katika makuzi yake, mjali mwanao kwa kumpatia Lishe bora kwa Afya Bora ya mwili na Akili pia.

#kaziiendelee