KIKAO CHA WATUMISHI WA SERIKALI WILAYA YA BUNDA KUJIANDAA NA TATHIMINI YA UTENDAJI KAZI

Posted on: October 2nd, 2023

Leo Watumishi wa Wilaya ya Bunda kwa maana ya Watumishi wa Ofisi ya Mkuu wa Wilaya, Wakuu wa Taasisi, Wakuu wa Idara na Vitengo pamoja na Wenyeviti wa Halmashauri wamekutana kufanya kikao cha maandalizi ya Tathimini ya utendaji kazi kwa kila idara na vitengo chini ya Mwenyekiti Mheshimiwa Dkt. Vicent Anney Mkuu wa Wilaya ya Bunda.

Mkuu wa Wilaya amesema ili kazi zifanyike kwa ukamilifu na kila mmoja awajibike ni lazima kuwepo na tathimini ya upimaji wa utendaji kazi kwa Watumishi hususani Wakuu wa Taasisi, Idara na Vitengo.

Kikao kimeazimia kufanya tathimini ya utendaji kwa kila mwezi katika maeneo yote kuhakikisha maelekezo na maagizo ya Serikali yanatekelezwa ipasavyo katika kuwatumikia wananchi wa Wilaya ya Bunda, lakini pia kuhakikisha wananchi wanahabarishwa juu ya kazi na miradi yote ya maendeleo inayotekelezwa na Serikali katika maeneo yao.