MHESHIMIWA WAZIRI GEORGE SIMBACHAWENE ARIDHISHWA NA UTEKELEZAJI WA MIRADI YA SERIKALI KATIKA WILAYA YA BUNDA

Posted on: October 4th, 2024

Mheshimiwa George Simbachawene amesema zaidi ya shilingi bilioni 88 zimeletwa Wilaya ya Bunda na Serikali ya awamu ya Sita inayoongozwa na Rais Samia Suluhu Hassan kwa kipindi cha miaka Mitatu kutekeleza shughuli mbalimbali za Maendeleo ndani ya Wilaya.

Mheshimiwa Waziri ameongeza kusema kuwa fedha hizo zinatokana na makusanyo ya Kodi. "Nchi yenye uchumi madhubuti ni lazima ikusanye Kodi, Kodi inayokwenda kufanya shughuli za Maendeleo hivyo ni lazima tuendelee kulipa Kodi.

Waziri Simbachawene ameongeza kusema kuwa Nchi imepiga hatua Kimaendeleo katika Sekta mbalimbali ikiwepo Miundombinu ya Elimu, Barabara, Afya, Kilimo, Nishati ya Umeme na mambo mbalimbali.

"Kila mmoja anastahili pongezi kwa sababu sote tumeshiriki katika Maendeleo haya. Viongozi Wakuu wanafanya ubunifu wanafanya mambo na sisi tunaowasaidia tunawasaidia lakini ninyi wananchi ni wadau na Washirika wakubwa wa Maendeleo" amesema Mhe. Simbachawene.

"Serikali na Ilani ya Chama Cha Mapinduzi ilisema awamu hii ni awamu ya kugusa Wananchi." Waziri Mheshimiwa Simbachawene

#kaziiendeleee