MKURUGENZI MKONGO ATEMBELEA MIRADI YA MAENDELEO

Posted on: July 5th, 2023

Katika kuendelea kuhakikisha Miradi yote ya Halmashauri ya Mji wa Bunda inatekelezwa kwa ubora na kiwango kinachostahili na kilichoelekezwa na Serikali, ufuatiliaji na usimamizi ni muhimu.

Mkurugenzi wa Halmashauri ya Mji wa Bunda Bwn. Emmanuel Mkongo amekua akifanya ufuatiliaji wa mara kwa mara katika miradi inayotekelezwa katika Halmashauri ya Mji wa Bunda.

Leo ametembelea Ujenzi wa shule mbili za Msingi Nyasura na Bunda stoo zinazotekelezwa kupitia mradi wa kuboresha elimu ya msingi Tanzania "Boost", ametembelea pia Jengo la kituo jumuishi cha Biashara, ametembelea ujenzi wa madarasa mawili ya awali ya mfano yanayojengwa shule ya Msingi Bigutu na mwisho ametembelea jengo la mionzi katika hospitali ya Manyamanyama.

Katika maeneo yote aliyoyatembelea ametoa maagizo na malekezo ya kuzingatia ubora wa ujenzi kama ilivyoelekezwa na Serikali na pia kuzingatia muda wa ukamilishaji.

#kaziiendelee