MKUTANO WA BARAZA LA HALMASHAURI ROBO YA NNE 2022/2023

Posted on: September 4th, 2023

Leo umefanyika Mkutano wa Baraza la Halmashauri Robo ya nne kuwasilisha Taarifa za Utekelezaji ngazi ya Kata ambapo Waheshimiwa Madiwani waliwasilisha taarifa na kujadiliwa.

Kila Mheshimiwa Diwani alipata wasaa wa kuwasilisha taarifa za Miradi mbalimbali ya maendeleo iliyofanyika na inayoendelea kutekelezwa katika kata zao, Changamoto na kutoa maoni ya nini kifanyike kuhakikisha Halmashauri inafanya vizuri katika kutoa huduma kwa wananchi.

Kwa upande wake Mkurugenzi Emmanuel Mkongo alitoa ufafanuzi wa hoja mbalimbali zilizotolewa na Waheshimiwa madiwani lakini pia alitoa taarifa ya fedha ambazo tayari zimeshatumwa kwa baadhi ya kata za miradi mbalimbali kama nyumba za watumishi, madarasa na miradi mingine ambayo itaanza kutekelezwa kuanzia sasa.

Hii ni siku ya kwanza ya Mkutano huu, kesho kikao kitaendelea kwa siku ya pili ambapo kitakua ni kikao cha wazi na wananchi wote wanakaribishwa kuja kusikiliza.

#kaziiendelee