MKUU WA WILAYA BUNDA ATEMBELEA UJENZI WA UZIO WA MNADA BITARAGURU

Posted on: May 29th, 2024

Siku ya Leo Mheshimiwa Mkuu wa Wilaya ya Bunda Dkt. Vicent Anney akiongozana na Mkurugenzi wa Halmashauri ya Mji wa Bunda Ndg. Juma Haji Juma ametembelea ujenzi wa Uzio wa Mnada wa Mifugo wa Bitaraguru kuangalia Maendeleo ya Mradi huo.

Mheshimiwa Mkuu wa Wilaya amekuta mradi upo katika hatua ya Awali ya kujenga Msingi aidha ameagiza kuonana na Mkandasi anayesimamia katika Ofisi yake kwa mazungumzo zaidi ya Mradi.

Kwa upande wake Mkurugenzi wa Halmashauri ya Mji wa Bunda, ameeleza kuwa eneo linalojengwa Uzio ni eneo la mifugo tu wakati Maeneo ya nje ya Uzio yatakua yakiendelea na shughuli nyingine kama ambavyo inafanyika hivi sasa. Lakini pia amesema kuwa ujenzi huo utaongeza mapato ya Halmashauri kwani utazuia sana upotevu wa mapato yatokanayo na Mifugo.

Uzio huu unajengwa na kusimamiwa na Wizara ya Mifugo na Uvuvi baada ya Uongozi wa Halmashauri ya Mji wa Bunda kuomba kujengewa Uzio ili kudhibiti upotevu wa mapato ya Serikali.

#kaziiendeleee