SEMINA KWA WAANDIKISHAJI WA WAPIGA KURA SERIKALI ZA MITAA

Posted on: October 6th, 2024

Msimamizi wa Uchaguzi Katika Halmashauri ya Mji wa Bunda Ndg. Juma Haji Juma amefungua Mafunzo kwa Waandikishaji wa wapiga Kura Leo Jumapili katika Ukumbi wa Halmashauri ambapo amewataka Waandikishaji kuzingatia nidhamu, wajibu, maelekezo na maadili ya kazi kwa kuzingatia Mwongozo wa Uchaguzi wa Serikali za Mitaa unavyoelekeza.

Aidha Msimamizi wa Uchaguzi amewataka Waandikishaji kuzingatia muda wa kazi na kuwepo katika vituo vyao vya kazi kwa kipindi chote Cha Uandikishaji ambacho ni kuanzia tarehe 11 - 20 Oktoba 2024

Ndg. Juma Haji Juma amesema hategemei kusikia mtu ameharibu kazi kwa uzembe wake na badala yake kazi ikamilike vizuri kwa matarajio yanayotakiwa.

Jiandae kujiandikisha ili upate fursa ya kumchagua Kiongozi unayemtaka.