TASAF INAZIDI KULETA FURAHA KATIKA MAISHA YETU

Posted on: May 16th, 2024

Halmashauri ya Mji wa Bunda Leo imeendeleza zoezi la Uhawilishaji fedha kwa Walengwa wa Mfuko wa TASAF dirisha la mwezi Januari/Februari 2024.

Walengwa ambao ni kaya Masikini wameishukuru Serikali kwa kuendelea kuwajali kwa kutoa fedha zinazowasaidia kujikimu katika maisha yao ya kila siku. Baadhi yao wamekiri kwamba fedha wanazopokea zimewasaidia kuanzisha Biashara ndogo ndogo ya kufuga mifugo kama kuku, bata, mbuzi na ng'ombe na pia kusomesha watoto na wajukuu na wengine kujenga nyumba zinazowasaidia kujistili.

Ukiangalia picha za walengwa hapo juu utabaini kwamba kweli mfuko wa Kunusuru Kaya Masikini unaamsha furaha iliyokua imelala ama kufa kabisa kutokana na ugumu wa maisha.

Mbali na zoezi la Uhawilishaji fedha, Walengwa wamepewa pia Elimu ya Uhawilishaji na kuelezwa maana ya Uhawilishaji na aina za Uhawilishaji. Ikiwa na maana ya zoezi zima la utoaji fedha kwa Walengwa.

#kaziiendelee