DC BUNDA AWAONDOA HOFU WANANCHI WA KIWASI DHIDI YA MGOGORO WA ARDHI ULIOPO KATI YAO NA NYAKISWA

Posted on: October 4th, 2023

Mkuu wa Wilaya ya Bunda Mheshimiwa Dkt. Vicent Anney amewaondoa hofu wananchi wa mtaa wa Kiwasi dhidi ya vitisho walivyopokewa toka kwa majirani zao Nyakiswa kuhusu mpaka na mashamba yaliyopo katika eneo hilo.

Wakazi hao wa Kiwasi asubuhi ya leo tarehe 04.10.2023 walikuta bango limetundikwa shambani kwao likiwa ninasomeka;

"HALMASHAURI YA KIJIJI CHA NYAKISWA ENEO LA UWEKEZAJI. AMRI! HAIRUHUSIWI KUFANYA SHUGHULI YOYOTE TOFAUTI NA MATUMIZI YALIYOAINISHWA KWENYE MPANGO WA MATUMIZI YA ARDHI. NLUPC ZORED PROJECT"

Mkuu wa Wilaya baada ya kufika katika eneo hilo amewataka wakazi wa Kiwasi kuendelea na shughuli zao za kilimo na yeyote atakayewaingilia watoe taarifa katika mamlaka husika.

Aidha Mheshimiwa Mkuu wa Wilaya ameahidi kushirikiana na viongozi wa pande zote mbili kuainisha mipaka halali kwa kutumia ramani na pia kuweka Beacon zinazoonesha mpaka wa kudumu.

Mwisho Dkt. Anney amewataka wananchi hao kuepuka mapigano ya aina yoyote ile katika aneo hilo zaidi waendeleze amani.

#kaziiendeleee