TATHIMINI YA UTEKELEZAJI AFUA ZA LISHE ROBO YA KWANZA JULAI SEPTEMBA 2023 KATIKA HALMASHAURI YA MJI WA BUNDA

Posted on: November 17th, 2023

Kamati ya Lishe ya Halmashauri ya Mji wa Bunda imekutana leo chini ya Mwenyekiti Emmanuel Mkongo Mkurugenzi wa Halmashauri kujadili utekelezaji wa Afua za Lishe kwa kipindi cha robo ya kwanza Julai - Septemba 2023.

Idara mtambuka zote zinazohusika na lishe zimewasilisha taarifa ya utekelezaji kwa kipindi cha robo ya kwanza na kueleza mipango mkakati ya robo ya pili jinsi watakavyohakikisha afua za lishe zinatekelezwa ipasavyo ikiwa ni pamoja na kuhakikisha wanafunzi mashuleni wanapata chakula chenye virutubisho lishe.

Kikao kimeazimia pia shule zote za msingi na sekondari kupanda miti ya matunda kwa kuanza na matunda ya maembe, mapapai na mapera.

Aidha Mwenyekiti ameendelea kusisitiza Elimu kuendelea kutolewa mashuleni na kwa wazazi na walezi wenye watoto wadogo kuzingatia na kufuata taratibu za lishe bora kwa watoto.

#Kaziiendeleee